Sarrera | Mapa | Kontaktua | Guri buruz |   
Hemen zaude: Sarrera »  Sare-aldizkariak »  Iritzi-muinetik »  Iritzi-muinetik »  1120759153
Albiste nagusira itzuli

Dionisio Amundaraini adiskidetasunez:

2005-07-07 / 19:59 / Gotzon Garate   BESTELAKOAK

Euskal Herrian bada astero artikulu bat idazten duen idazle bat. Buruargia da. Alderdi politiko baten ideologoa dela esaten dute.

Arrazoi handia duzu, Dionisio, ahal izanez gero, izenak aipatzea hobe dela. Nik neure artikuluetan euskararen alde zerbait adierazi nahi izaten dut.

Pertsonen kontra jardutea ez zait gustatzen, beharrezkoa ez bada. Kontua geure hizkuntzari laguntzean baitago, eta ez inori min ematean. Ahal izanez gero, jendea begirunez hartu eta geure aldera ekartzen badugu, hobe. Ingelesek ongi dioten bezala, infernuan ere adiskideak izatea gauza ona da.

Dena dela, nik neure artikuluan aipatzen ditudan katedradunak hauetxek dira: Antonio Elorza, Catedrático de Pensamiento político de la Universidad Complutense eta Manuel Montero, catedrático de Historia contemporanea de la UPV.

Nor da “ideologoa”? Hori ezin dut agirian esan, pisuzko arrazoiengatik. Dena dela, zeuri esango dizut Porto Ricotik itzultzen zarenean. Zutaz galdetu eta bi hilabeterako hara joana zarela esaten didate.

Eta zurekin ari naizenez gero, bihotzez eskerrak eman nahi dizkizut, Dionisio, euskararen alde zeure denboran egin duzun lan txalogarriagatik. Zinez, zintzo jokatu duzu.

Eta toki guztietan hauxe esaten dut: Zazpi probintzietan oso gutxi daude euskaraz Dionisio Amundarainek bezain ongi idazten dutenak. Dionisio maisuen maisu da.

Besarkada estua.

Gotzon Garate


Erantzun

Euskara Patronatua
Tel.:943-814518
Faxa: 943-811947
erabili@erabili.eus