Egin klik hemen INPRIMATZEKO

Hiru lagunek gainditu dute EtorkiZUn-eko koordinatzaile lan poltsarako lehen azterketa

Azpeitiko Euskara Patronatua / Ikastetxeak / 2009-10-14 / 15:24

EtorkiZUn egitasmorako koordinatzaile posturako lan poltsaren prozesuak aurrera jarraitzen du. Azpeitiko Udalak xede horretarako abian jarritako lehiaketa-oposizioa joan den urriaren 1ean jarri zen abian, azterketa teorikoarekin. Lau galderak osatu zuten azterketa hura:

1. Azaldu honako hiru perspektiba teoriko-praktiko hauek: asimilazioa, multikulturalismoa eta interkulturalitatea (Kultura arteko hezkuntza).
2. Idatzi familia eta ikasle etorri berrientzako Ikastetxeko Harrera Planaren helburu eta ekintza nagusiak.
3. Zein garrantzia dute gela multikulturaletan elkarreragin-lankidetza bultzatzen duten estrategia metodologikoek?
4. Aipatu Bigarren Hizkuntzaren irakaskuntzarako ikuspuntu komunikatiboaren oinarriak.

Froga osoak guztira 40 puntu balio zituen, eta galdera bakoitzak 10 puntu. Gainditu eta lehiaketa-oposizioan aurrera egiteko, berriz, 20ko puntuazioa gainditu behar zuten hautagaiek.

Udalaren deialdiari erantzunez izena eman zuten hamabi lagunetatik bost aurkeztu ziren azterketara, eta horietatik hiru izan dira aurrera egin dutenak. Honako hauek izan dira azterketaren emaitzak:

Erreklamazioak aurkezteko epea

Erreklamazioak aurkezteko hamar laneguneko epea daukate lehen azterketaren emaitzekin ados ez daudenek. Epaimahaiak emaitzak gaur argitaratu dituenez, datorren urriaren 24a arte luzatuko da aipatu epea.

Data zehazteko zain

EtorkiZUneko koordinatzaile lan poltsarako hautapen prozesu honetan aurrera egin duten hautagaiek 4. Hizkuntz Eskakizuna (HE) lortzeko azterketa izango dute hurrengo hitzordua. HAEE-IVAP erakundearen ardura da azterketa horretarako deialdia eta momentuz, Azpeitiko Udalak izendatutako epaimahaiak jakinarazi duenez, azterketaren datak zehaztu gabe daude. Jakin bezain pronto emango zaie horren berri hautagaiei.

Inprimatu