Azpeitiko kale izendegi berritua onartu du Udalak

Azpeitiko kale izendegia eguneratuta eta, zenbait kasutan, aldatuta, ikusiko dugu aurrerantzean. Euskaltzaindiak eginiko proposamenari jarraituz, udalerriko kale izendegi eguneratua onartu zuen Azpeitiko Udalak, joan den 2008-11-6an eginiko osoko bilkuran.

Udalak 2007ko udazkenean onartu zuen Azpeitiko mapa toponimikoa eta horren karietara hasi ziren Euskaltzaindiarekin harremanak. Izan ere, Akademiak EUDEL udal-elkartearekin izenpetutako hitzarmenean jasotakoaren arabera, Euskaltzaindiak doan eskaintzen die EAEko udalerriei beraien kale izendegiak eguneratzeko zerbitzua. Horretaz baliatu da, hain zuzen ere, Azpeitiko Udala, bere kaletegia eguneratu eta gaurkotzekorakoan.

Joan den udazkenetik hona garatu da lana. Udalak gaur egungo kale eta auzoen izendegia helarazi zion lehendabizi Euskaltzaindiari. Hau aztertu eta bere lehen proposamena egin zuen ondoren Akademiak, izendegia berriro Udalari emanez. Udal arduradunek, bere aldetik, lehen proposamen hori aztertu eta zegozkien iradokizunak gehituta itzuli zioten Euskaltzaindiari. 2008ko otsailaren 12an, azkenik, Euskaltzaindiaren Onomastika batzordeak Altsasun eginiko bileran behin betiko izen-zerrenda onartu zuen eta Azpeitiko Udalari berriro bidali. Orain, Udalak osoko bilkuran eman dio azkenean bere oniritzia kale izendegi berrituari, indarrean sar dadin.

Artzubia eta Done Jakue

Euskaltzaindiak proposatutako kale izendegian badaude, orain arteko izendegiarekin alderatuta, zenbait aldaketa. Horien artean, orain arte ofiziala zen Harzubia etorbidearen ordez Artzubia etorbidea proposatu dute akademikoek, h-a kenduta. Santiago kaleak, berriz, Done Jakue izena hartuko du aurrerantzean.

Harzubia/Artzubiarena eta Santiago/Done Jakuerena bi adibide besterik ez dira. Euskaltzaindiak proposatu eta Udalak onartutako izendegi osoa jarraian duzuen taulan ikus dezakezue:

Oin-oharrak

• (1) Zutabe honetan ageri dira generikorik gabeko izenak, baldin eta horrelako idazkera onartzen badute, euskaraz badirelako hala beharrez generikoz horniturik ageri behar diren izenak, hala nola Elizkale edo Garate Anaiaren auzoa.

Inprimatu

Erantzun